والله إني كنت أللـــوم اللي يضيق إن غاب خلّه
لين جرّبت المحبه والفراق وقلت توبه!!
جـــد المفارق فيه هــم . وفيه ذلّـــه
أثر كل الحب لذه والفراق أكبر عيوبه
أمـــس فارقت الغـــلا ومفارق الخلان عــلّه
والعلاج الوصل لاترجا طبيب ولا حبـوبه
الزعـــل هو سبّــة الفرقا يهّـــز الحب كلّــه
ليتني طولّت بالي قبل لا يعلن غروبه
واهني اللي وسيع الصدر صدره وسع فلّه
غلطة الصاحب تجي وتروح ماهي بمحسوبه
عارفٍ قدره وقدر اللي يحبه في محلّه
ذاك نفسه لاحشا ماهي علي الحب مغصوبه
ليش تحسب غلطة الصاحب علي الصاحب مذلّه !!!
ليش ماتحسب ميانه لوتجي عشرين نوبه
لا وربي كنت أحبـــه حيـــــل مادوّرت زلـــه
لا تشكك في غلاه ولا تساعد في هروبه
لايمي . قبلك تعبت ألوم شعار المجلّه
وكنت مؤمن في مقولة أعذب الشعر الكذوبه
كان جابتك الحميّه روح له تكفـــا وقلّـــه
لا يخليني وإذا ودّه يخفف من ذنوبه
يستخير وله غلا قلب (?) صدوقٍ ما يملّه
فدوة )?) له كل قلبي من شماله لي جنوبه
يوم قفـّا والخفوق يفوح عقبه فوح دلّه
وسط ضو واحد (?) عزّ الشتاوالسهر دوبه
لاتقهوى بـــارده من برد فنجاله وزلّــــه
ثم قرّبها علي جال الجمر وأرهى شبوبه
ماسمعت إن الخوي له بالخوي تسعين زلّه
وأنت طوّف زلتي ياعل تفداك اللعوبه
صاحبي سيف الهجر . لاصرت تقدر لاتســـلّه
ماتظن العفو عند المقدره أفضل عقوبه !!!
أيه أنا اللي كنت ألوم اللي يضيق إن غاب خلّه
لين . .........جرّبت المحبه والفراق وقلت توبه
موضوع: .•.°.ஐ•i♥ والله إني كنت أللـــوم اللي يضيق ♥i•ஐ.°.• 
الخميس أكتوبر 15, 2009 5:21 pm