أول أقول المـوت فينـي ولافيـك
واليوم جعل الموت ياخـذ حياتـك
دامك تبيع انسان بالكون شاريـك
موتك ولاتوهـم لغيـري صفاتـك
وقف دقايق واذكر اللـي يواسيـك
جفف دموعك قبل تاصـل شفاتـك
تذكر تجيني تبكي الظلـم وابكيـك
واشيل جرحك "اجبرتنـي غلاتـك"
وإن غبت عني كل مابـي يناديـك
حطمت حلمي ورحت ألبي امنياتـك
ادري الجمال وسود الأهداب كاسيك
لكن حسافه .. عكس وصفك خفاتك
ياما رجيتك ودمع عينـي يحاكيـك
طاوعت نفسك وكلمتي اليوم جاتك
مابيك انـا بدنيـاي والله مابيـك
رح ياعساك بجرح ينزف شقاتـك
واول أقول الموت فينـي ولافيـك
واليوم فرحي " ينولد في وفاتـك
موضوع: اول اقول الموت فيني ولا فيك @وليوم جغل الموت ياخذ حياتك 
الخميس أكتوبر 15, 2009 5:52 pm