(()&*تجـــمــــــــل*&^%))

تجمل ياخفيف الروح جبّرخاطـري المكسـور
تجمل وإزرع البسمه على المجـروح بغيابـك
تجمـل لاتعذبنـي تجمـل ياأميـر الـحـور
سقى الله يوم صادفتك ومرسـال القدرجابـك
سقى الله ساعة فيها سقيـت الخافـق المدهـور
تفيّا من لهيب الشمس تحـت ظـلال اهدابـك
سقى الله أرض تمشيها تفتّح خضرة وزهـور
ليا جيت الشجريرقص ويتعطر مـن أطيابـك
سقى الله أرض تسكنها وفيهابيتـك المعمـور
يداعبك النسيم العذب غنّـى لـك وحيّـا بـك
تجمل يحفظك منزل سبـا والفاتحـه والطـور
تجمل دامـت الأفـراح والتوفيـق برحابـك
تجمل هذي الدنيا علـى روس العبـاد تـدور
وراعي الطيب والمعروف أنسابه من أنسابـك
تجمل في الوليف اللي على طرد الهوى مجبور
من اول يوم ودّاني هوى شوقـي علـى بابـك
إلين أصبحت في ودك وعشقك منهي ومامـور
على درب الرجا والياس إرحم حـال احبابـك
وأنا مااهين نفسي لك وتعرف منسبي المشهور
أعزك لكن إن عييـت أبقلـع حبـل منسابـك
وأقول الله علي يخلف ومن يصبر هو المنصور
أبحمل جرح بالخفـاق عنّانـي مـن أسبابـك
أنا اللي منتظر ياشوق أراقب والأمر مستـور
تجمل وإزرع البسمه على المجـروح بغيابـك